المهندس لتكنولوجيا معلومات الكمبيوتر
اهلا بك اخي الزائر في منتديات المهندس لتكنولوجيا معلومات الكمبيوتر نتمنى لك الأستمتاع ونرجو منك التسجيل

المهندس لتكنولوجيا معلومات الكمبيوتر

منتدى متخصص في تكنولوجيا المعلومات بصفه عامه والتقنيات الحديثه أيضا ويتيح لكم كل ما هو جديد
 
الموقع التعليميالبوابةالرئيسيةس .و .جبحـثالأعضاءالمجموعاتالتسجيلدخول

شاطر | 
 

 قصيدة شعر من واحد ترزى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
alabale_love
مشرف عام
مشرف عام
avatar

انثى
عدد الرسائل : 546
العمر : 29
المزاج : happe
الوظيفة :
الهواية :
المزاج :
نقاط العضو : 58
تاريخ التسجيل : 29/08/2008

مُساهمةموضوع: قصيدة شعر من واحد ترزى   الأحد سبتمبر 28, 2008 10:49 pm


قصيدة حكاية









الرجل الشمال يمكن طويلة ولا اليمين قصيرة حبة

ماله البنطلون كاشش ولا الجيوب قبة

ست عيال وامهم وحماتي لوحدها سبة

يا صبر ايووووووووب

يقولك يا بخت من نام مغلوب

طب انام مرة غالب ولا الطريق مكتوب

والغلب بقي غالب

والحياة خد وهات

طبلة ونايات

ضحك واهات

تصدق بالله

الحياة فردة وفردة

هي الرجل الشمال طويلة ولا اليمين قصيرة حبه

اهو قدر مكتوب ومحدش بيستخبي

اهم حاجة تعيش مرتاح

كان ليا واحد صاحبي اسمه عبد الفتاح

عاش اربعين سنة نايم ولما صحي مات

والناس تقولك بص لادام

وكل ما بص لادام الاقي ادام ورا

ههه والله البنطلون دة مسخرة

تصدق الرجل الشمال طويلة واليمين قصيرة

علي كل احسن حاجة تعيش حياتك زي الحمار

مربوط في ساقية وسايبها للاقدار

ولا تتعب نفسك ولا تحتار

كان ليا واحد صاحبي اسمه عبد الستار

باع قيراطين الارض واشتري دار

حبة وباع الدار واشتري ارض

ولا مشيت معاه لا بطول ولا بعرض

مسكين يا عبد الستار

يالله اهو باع الدار والارض وغار

ههههههههه

يا راجل اضحك بلا هم

بلا خوتة وحرقة دم

طب وديني الضحك اهم

لا بجد الشمال طويلة واليمين قصيرة

ياللا مش فارقة ماهي حياتنا كلها متغيرة

يا سيدي انسي ماتفتكرش

دا كيلو اللحمة كان بخمسين قرش

وكان يملا العين قبل الكرش

والحياة كدة كان فيها بركة

والدنيا كات هيصة وحركة

يا خويا هو ايه اللي حصل

زرعنا قمح طلع بصل

هيا الحياة طالعه بينا ولا نازلة

جد معانا ولا هازلة

دة الواد صبحي النقاش

كان ضاربها بوية وعايش ببلاش

وكان يقولك ساعه الحظ ما تستناش

اروح ازوره من يومين الاقيه في الانعاش

صحيح الدنيا صغيرة

والدليل علي كدة

ان الرجل الشمال طويلة واليمين قصيرة

تعرف اهم لحظة في حياتك

هيا لحظة وفاتك

ساعتها طظ في اللي فاتك

وطظ في حماتك

وطظ حتي في ذكرياتك

وساعتها الكل هيفتكرك بالخير

ويقولوا كان طيب ...كان امير

لأ وهتاخد لقب مرحوم

ساعة موتك بس بقيت مرحوم

يعني ضهر حياتك هو وشها

وغروب حياتك هو فجرها

دنيا غريبة

العاقل فيها هو الوحيد اللي مجنون

زي رجل البنطلون

فردة وفردة

يوم دافية ويوم باردة

دايما متغيرة

تصدق ان اليمين هي اللي طويلة والشمال قصيرة


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
احب الله

avatar

انثى
عدد الرسائل : 21
العمر : 44
موقعك : http://www.dar-alhejrah.net/forum.htm
المزاج : اللهم اصلح حالنا
الوظيفة :
الهواية :
نقاط العضو : 0
تاريخ التسجيل : 20/09/2008

مُساهمةموضوع: رد: قصيدة شعر من واحد ترزى   الثلاثاء سبتمبر 30, 2008 3:58 am

بسم الله الرحمن الرحيم


تسلمى حبيبتى

لذيذة وواضح فيها انه

مش فاضى للتفصيل خااااااااااااااااااااالص

وحظه كده علشان شاغل نفسه وفى الاخر طلع

الرجل الشمال يمكن طويلة ولا اليمين قصيرة حبة

يعنى هيفضل زي رجل البنطلون

فردة وفردة



الله يسعدك حبيبتى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
cit_elmohands
Admin
Admin
avatar

ذكر
عدد الرسائل : 338
العمر : 30
موقعك : citelmohands.110mb.com
المزاج : رومانسي
علم دولتك :
الوظيفة :
الهواية :
المزاج :
نقاط العضو : 7
تاريخ التسجيل : 28/08/2008

مُساهمةموضوع: رد: قصيدة شعر من واحد ترزى   الثلاثاء سبتمبر 30, 2008 12:37 pm

جميلة وربنا يوفقك بس فيها الطابع الكوميدي أكتر من الشعر بس حلوه

_________________



كل عام وانتم بخير اخواني الكرام



تحيه طيبه لكم أعضائنا الكرام
أرجو أن تنال هذه الصورة المتواضعه اعجابكم وياريت نقدر نعمل بشئ من اللي فيها
ومع أرق التحيات مني
المهندس مادا



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://citelmohands.110mb.com
 
قصيدة شعر من واحد ترزى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المهندس لتكنولوجيا معلومات الكمبيوتر :: المهندس للأدب والفنون :: المواهب الشعرية والقصصية-
انتقل الى: